Monsignor: Cossa ghin disito se Ricardo el frequentasse i corsi serali? El podaria, de sera, andare avanti e indrio co la bicicletta e de giorno darte na man sul lavoro... Po', s'el toso ga testa ghe xe anca l'Accademia de Venessia....

Giovanni: la me pare na bona idea... ma i schei... Beh, purché Ricardo possa trovare la so strada laoraremo calcossa de pì noialtri....

Giovanni: Gente, eco qua el professor fresco fresco de Academia! Margarita, da bevare par tuti...

Tutti: evviva el professor!!

Riccardo: Boni, boni, tosi! Mi son Ricardo e voialtri i me amissi... gnente "professor", solo Ricardo!

Bepi: Brao, Ricardo!

Toni: A te sarè contento!

Frate: A go la sensassion che fra' Claudio el se sia lassà ciapare un po' massa dalla presunsion... in fondo no l'è che un professore de scultura!

Padre Ippolito: Si, si ma on professore straordinario... inamorà de Dio e de la Madona...

Frate: Questo xe vero, ma on'opera cossì la diventarà na voragine de debiti par i pori frati!

Padre Ippolito: La ghe xe la Providenza, la ghe xe! Fra Claudio el sta realizando un'opera con infinito amore... el la caressa come la fusse na creatura viva... el vol darghe on volto e on'anima...

Fra Placido: Fra' Claudio el vegna a darme na man in cusina! Ghe xe da catar su el radecio in te l'orto! Po' ghe xe el paston dei mas-ci da pareciare! In fondo se i frati i xe in bona salute, oltre ala Providensa, i lo deve anca a mi

Fra' Claudio: xe verissimo, fra' Placido!

Fra' Placido: Sì, sì... ma mi no ricevo una sola di quelle lodi che piove su de lu quando el scolpisse un puoto come quelo lì!

Fra' Claudio: I frati i appressa el so laoro, fra' Placido, e i sa ben che i mestoli soto le so man esperte i diventa strumenti de arte meio dei me scalpei. Ma se ghe fa piasere el vaga pure in cesa a pregare lu ... resterò mi in cusina al so posto

Basilio: A lo go sentio mi co le me recie... qua tanti i ga rabia de la so bravura e de la so bontà e i vole fermarghe anca i laori dela grota... I ghe dà solo dispiaseri e lu, co la scusa de la passiensa, el tase... No caro fra' Claudio, a tuto ghe xè on limite!

Fra' Claudio: Vedito Basilio... l'obediensa la tempra l'omo!... parchè la xe come na corona - fata de spini sì, no de fiori - e la ponxe, xe inevitabile! ma on'obediensa fata in te 'naltro modo no esiste!... E quindi se ti te voi obedire, bisogna che te te lassi ponxare...

Monsignor: Che sorpresa gradita, fra' Claudio! Come steto?... lassete vardare! Bepi me ga contà de le robe stupende che te ste fasendo!... Sito contento? Sito sempre sicuro de la to scelta?

Fra' Claudio: Ogni giorno de pì, monsignor! In convento a go trovà la vera felisità!... Pì l'anima se mete a disposission de Dio e del prossimo, pì grandi tesori de pace e de gioia la trova...

Teresa: Raccontano che fra' Claudio ha predeto la fine della guerra ben due anni prima!... e alcuni frati increduli a criticarlo e a prenderlo in giro!

Perpetua: Ah, dove che l'è andà a finire!

Teresa: Ha predetto anche che la grotta sarebbe stata una fonte di grazie per la gente! Ma il segreto più incredibile è questo... Fra' Claudio ha predetto che il giorno dell'Assunta di quest'anno se ne andrà!

Perpetua: Gesummaria iutène!